Ecolochicamen pensamos que cal fer-nos una serie de custións, ¿d'an saldra l'augua? A rispuesta a ista custion ba a estar a mesma siempre. U trescoles de l'Ebro con l'impacto medio ambiental que ello rebaila, u bien nuebos entibos ta un pais que ya ha sufriu en as suyas carnes lo que ista mena d'enchendros puede fer-nos (Lugars albandonaus, mayor espoblazion, destrucción d'a bida n'os lugars). Atra custión que creyemos importán ye, ¿D'ansaldra a enerchia? a rispuesta ye fazil de contestar, u bien de nuebas zentrals temicas u bien nuebas zentrals nucleyars. Tot isto mos aluenga d'o nuestro ideyal, un pais sostenible, an se protecha o medio ambien.

Antimás dende os meyos capìtalistas nos fan que dizir que mos combertiremos en "las vegas" de Europa, pero ¿Que son as begas? ye una ziudat an que os chornals son mil-euristas , una ziudat que tiene una d'as tasas de crimen mes alteras, a ziudat d'a mafia, a ziudat d'o trafico humano (ninos, mullers...). Per tot isto dende a nuestra organizazión consideramos, que iste modelo de ziudat l'unico que puede trayer a o nuestro país ye mes precariedat laboral y aluengar-nos d'un cambeo enta un modelo sozialista.

tamien mos abergüenya beyer que dende os nuestros puliticos, una begada mes se mos furta a nuestra sobirania. No solo que no se pregunta a os ziudadáns, si no que antimas de bende toda la ética ziudadana, dizindo que se cambearán todas as lais qu'estoben. Per ello creyemos que debemos lebar a cabo un cambeo en o nuestro país. Un cambeo que mos lebe enta una democrazia partizipatiba, an que o pueblo recupere a suya sobirania y dinndat.

Dende Astral queremos fer plegar o nuestro mensache a la ziudadanía. Consideramos que ye millo que o nuestro país pierda ista "oportunidat", que conbertirnos en a meca d'o capitalismo eurapeyo. Asperamos que iste grano d'arena, aduye a que a chent prenzipie a pensar y ebitar conbertirnos en lo que quieren o nuetros puliticos, Un país de conformistas.  

ASTRAL-MOZARDALLA D’ESTAU ARAGONES EN LUITA POR UN ARAGÓN LIBRE Y SOZIALISTA.