Astral- Mozardalla d'Estau Aragonés naixe con a intinzion de fer de una autual utopía una reyalidat.

Estaria prou fazil clamar-lo utopía y zarrar os güellos en fren a l'amenester inminén de creyar un Estau Aragonés y independizar-nos d'un país que no sentimos nuestro.

Astral como organizazion chobenil quiere promober todas as autibidaz posibles que faigan que per fin paren cuenta de que mos oposamos a l'ocupazion de l'Estau Español y que bamos a luitar per ello, ya que sentimos que leban manipulando a o suyo intrés a nuestra tierra 300 años y que han ipotecau o nuestro esdebenidero a la mes absurda innoranzia.

Somos cansos ya de beyer un trepuzio tras d'atro de l'aragonesismo y queremos chunto a EA mantenir-nos en una posizion firme que no aluengue a Aragón d'o que de berdat amenista.

Somos consciens que ta plegar a lo que amenistamos, a independenzia, abemos de recorrer un camín largo y difizil con gran cantidat d'obstaculos que mos impedirian plegar-ie, autualmen en ixe camín somos prauticamen en o escomenzipio, hemos dau poquez pasos ta plegar a la meta, por ixo queremos creyar un tren d'asperanza que mos lebe a la meta fendo as cosas como han d'estar feitas.

A independenzia d'Aragon ye capable y ye chustificada per muitas razons de tota indole (pulitica, economica, cultural, istorica...) y con a creyazion d'Astral queremos amparar-no a totas ellas y no luitr per luitar, si no tenindo unas razons per as cualas fer-lo.

Pero Astral no solo que esfiende a utodeterminazión d'aragón, tamien quiere aconseguir que o nuesto siga un pais sozialista y zercano a los mes esfaborezidos, asinas como que siga una cabeza bisible de a luita contra o capitalismo y per un mundo mes solidario.

Con un argumento claro ”Solo que o pueblo salba a o pueblo” queremos beyer que naide mes que nusatros mesmos salbará a o pueblo aragonés d'a opresión que lo ata dende fa ya 300 años, per ixo creyemos que ya en ye prou, ya somos cansos, Si emos resistiu 300 años, resistiremos muitos mes, pero resistir no siempre equibale a abanzar y per ello queremos potenziar as autibidaz que mos leben a ello, a o abanze de l'independentismo aragonés.

Luitamos per a chobentut, per o sozialismo, per a igualdat de secsos, contra o razismo y o faszismo y sobre tot per a soberania d'o pueblo aragonés y per a independenzia,asinas que a nuestra pulitica lingüistica no puede ser menos, creyemos que ya ye prou d'emplegar o castellano como luenga nuestra, o castellano ye un luenga forana, imposada dende a ocupazion d'o nuestro país, defensamos as nuestras luengas, l'aragonés y o catalán e intentamos potenziar-las atrabies de l'emplego, a unica traza de conserbar-las y no a trabies d'intenziones buedas.

EA creye que a chobentut ye lo mes important d'o nuestro país, la que leba os prenzipals ideyales de progreso a la nuestra nazion y per o cual a feito creyar Astral, a suyas chobentuz. Cada begada mes, emos estau parando cuenta de que os puliticos de o nuestro país solo que s'intresan en a chobentut como aina eleutoral, mes botos ta las suyas candidaturas, cosa que dende Asral y EA queremos combatir.

Per ixo armar-tos d'argumentos que luiten per a independenzia dende a chobentut sinnifica o progreso de o nuestro país y la luita inacabada per recuperar unos dreitos perdius en a historia.

CONTINA O CAMIN D'A INDEPENDENZIA

DENTRA EN ASTRAL, MOZARDALLA D'ESAU ARAGONES Y LUITA!!!